„ნაცმოძრაობის“ წევრის, ბაჩო დოლიძის განცხადებით, ახლა პარტიისთვის პირველხარისხოვანი არა მიხეილ სააკაშვილის პოლიტიკაში ყოფნა-არყოფნის საკითხი, არამედ ექსპრეზიდენტის ჯანმრთელობის საკითხია.
„ნებისმიერი ადამიანი, რომელიც პარტიიდან შედის სააკაშვილთან მოსანახულებლად და ხედავს, რა მდგომარეობაშიც არის ის, არავის გასჩენია პოლიტიკაზე საუბრის სურვილი. დღეს მისი მდგომარეობა მძიმეა, შესაბამისად, ჩვენთვის პოლიტიკური კონტექსტი მეათეხარისხოვანია. პირველხარისხოვანია მისი ჯანმრთელობა და სიცოცხლის შენარჩუნება. ასეთი მასშტაბების და სახელმწიფო აზროვნების მქონე ადამიანის დაკარგვა ნებისმიერი პოლიტიკური პარტიისთვის კი არა, ქვეყნისთვისაც პრობლემაა“, – აცხადებს ბაჩო დოლიძე.
სააკაშვილის ადვოკატის, ვალერი გელბახიანის განცხადებით, მისი დაცვის ქვეშ მყოფი ქართული პოლიტიკიდან მიდის.