რატი იონათამიშვილის თქმით, მნიშვნელოვანია, რომ 12-პუნქტიანი სამუშაო გეგმის შესრულების პროცესი პროაქტიულ რეჟიმში გრძელდება . საპარლამენტო უმრავლესობის წევრი აღნიშნავს, რომ დღევანდელი შეხვედრა საპარლამენტო კონტროლის გაძლიერების თვალსაზრისს შეეხება.
„ეს პროცესი სულ უფრო ინკლუზიური ხდება და ჩართულობის მაღალი სტანდარტია წარმოდგენილი. ასევე მნიშვნელოვანია, რომ საპარლამენტო კონტროლის გაძლიერების თვალსაზრისით სამუშაო შეხვედრა გვექნება. ჩვენ ბოლო წლების განმავლობაში ამ მხრივ ნიშანდობლივი ნაბიჯები გადავდგით, გვაქვს შედეგები. დღეს ვიმსჯელებთ, კიდევ უფრო მეტად როგორ უნდა მოვაწესრიგოთ ის საკითხები, რომ საპარლამენტო კონტროლის გაძლიერება იყოს შეუქცევადი ჩვენი პოლიტიკური ცხოვრებისთვის“, – განაცხადა რატი იონათამიშვილმა.
ევროკავშირის მიერ შემოთავაზებულ რეკომენდაციებზე მუშაობას პარლამენტის მიერ შექმნილი ჯგუფი განაგრძობს. ევროპარლამენტის მიერ შემოთავაზებული 12 რეკომენდაციის შესრულებას „ქართული ოცნება“ ოპოზიციის მხოლოდ ნაწილთან ერთად განაგრძობს, რომელთაც ოპოზიციის 3 პარტია არ უერთდება.