მედიამ სიტყვის გამტეხი პარტიები არ უნდა მოიწვიოთ, კატასტროფული რაღაცები ხდებოდა და მზად ვარ მოვყვე, – ამის შესახებ “ევროპული საქართველოს” გენერალურმა მდივანმა აკაკი ბობოხიძემ “ტვ პირველის” ეთერში განაცხადა.
“გირჩს” ჰქონდა თუ არა განცხადება გაკეთებული, რომ ისინი შევიდოდნენ პარლამენტში?! – ანუ, “მოქალაქეების” და “გირჩის” შესვლა პარლამენტში ლეგიტიმაციას არ ეყო ბევრი მიზეზის გამო. პოლიტიკური წონის გამოც და მათ შორის თავიდანვე იყო შესული “პატრიოტთა ალიანსის” ჯგუფი, რომელიც შემდეგ გავიდა პარტიიდან ე. წ. ევროპელი სოციალისტების სახელით. სერიოზული პოლიტიკური პროცესი დაიწყება თუ ეს პოლიტიკური პარტიები, სახის და ტონის მიმცემი პარტიები [ლელო, სტრატეგია აღმაშენებელი და ნაციონალური მოძრაობა] დატოვებენ პარლამენტს.
მაგრამ ცალკე აღებული პარლამენტის დატოვება არაფერს არ ნიშნავს თუ კომპლექსური გეგმა არ იქნება შეთანხმებული, ოღონდ როგორც კი შეთანხმებაზე გადავალთ, მერე შეთანხმების დაცვაა პრობლემა. ჟურნალისტებს ჰგონია, რომ ვსაყვედურობ, მაგრამ თქვენ ძალას ვაღიარებ, თქვენ გიჭირავთ ხელში დიდი ძალა. სანამ სტუდიაში მოწვეული იქნებიან სიტყვის გამტეხი ძალები და არ იქნებიან დემონიზებული სიტყვის გატეხვის გამო… არც კი გაახსენებენ, დისკომფორტსაც კი არ შეუქმნიან, რომ გუშინ სიტყვა გატეხეს. პოზიციის შეცვლაზე არ არის ლაპარაკი. პოზიცია ბევრი რამის გამო შეიძლება შეიცვალო. სიტყვა გატეხეს, შეთანხმება დაარღვიეს. კატასტროფული რაღაცები ხდებოდა, თუ ვინმე დაინტერესდება, მზად ვარ მოვყვე. დღეს რომ შევთანხმდებოდით, ხვალ როგორ ვიქცეოდით მედიატორებთნ, გაოგნებულები ვიყავით, შეთანხმებას ისეთი ადამიანები და ისეთი ფორმით არღვევდნენ და ასეთ შემთხვევაში ბუნებრივია, რომ წარმატება ვერ მოვა და ამაში დამნაშავე ივანიშვილი კი არა, პირველ რიგში პოლიტიკური პარტიები იქნებიან.” – განაცხადა ბობოხიძემ.