უკრაინის თავდაცვის მინისტრის, ალექსეი რეზნიკოვის განცხადებით, მიმდინარე წლის ბოლომდე, უკრაინელები, ფრონტზე არსებული ვითარების შესახებ „კარგ ამბავს“ მოისმენენ. აღნიშნული განცხადებით, რეზნიკოვმა უპასუხა კითხვას იმის შესახებ, თუ როდისაა მოსალოდნელი ომის დასრულება.
„წლის ბოლომდე, კარგი ამბავი იქნება“, – განაცხადა თავდაცვის სამინისტროს ხელმძღვანელმა.
რეზნიკოვის თქმით, ყველაფერი მრავალ ფაქტორზეა დამოკიდებული და დასძენს, რომ ოპტიმისტური განწყობა აქვს.
„მე კარგად ინფორმირებული ოპტიმისტი ვარ, ამიტომ მაქვს გარკვეული პოზიტიური იმედები, რომ წელს იქნება კარგი, სასიამოვნო სიახლე მთელი უკრაინული საზოგადოებისთვის და მსოფლიოსთვის. ხალხისთვის მნიშვნელოვანია, გამარჯვება იხილოს, – განაცხადა რეზნიკოვმა.
უკრაინის თავდაცვის მინისტრის თქმით, გამარჯვებისთვის უკრაინას სხვა ქვეყნების მხარდაჭერა სჭირდება.