პაკისტანი საერთაშორისო დახმარებას ითხოვს. ქვეყანა, სადაც ძლიერი წვიმებით გამოწვეულმა წყალდიდობებმა 1000-მდე ადამიანი იმსხვერპლა, საკვების დეფიციტს განიცდის, – ამის შესახებ BBC წერს.
„შეერთებულმა შტატებმა, დიდმა ბრიტანეთმა, არაბთა გაერთიანებულმა საამიროებმა და სხვა ქვეყნებმა წვლილი შეიტანეს მუსონური კატასტროფის მართვაში, მაგრამ გაცილებით მეტი თანხებია საჭირო“, – განუცხადა BBC-ს პაკისტანის შინაგან საქმეთა სამინისტროს ოფიციალურმა წარმომადგენელმა.
მდინარეების ადიდების გამო, პაკისტანში ათასობით ადამიანის ევაკუაცია დაიწყო. ქვეყნის ზოგიერთ რაიონში საგანგებო მდგომარეობაა გამოცხადებული.
ყველაზე მეტად, ძლიერი წვიმებით სამხრეთ პაკისტანი დაზარალდა – განსაკუთრებით, სინდის პროვინცია, სადაც თითქმის რვაჯერ მეტი ნალექი მოვიდა, ვიდრე აგვისტოს საშუალო მაჩვენებელია.