„12 რეკომენდაცია ნამდვილად უნდა იყოს ქართველი ლიდერებისა და ყველა ქართველის ყურადღების ცენტრში. ახლა ეს მნიშვნელოვანი შესაძლებლობაა ქვეყნისთვის“, – ამის შესახებ აშშ-ის ელჩმა საქართველოში, კელი დეგნანმა განაცხადა.
დიპლომატის თქმით, ევროკავშირის სურვილი იმის ხილვაა, რომ საქართველოში განსხვავებული შეხედულებების ადამიანებმა ერთი მიზნით გაერთიანება შეძლეს.
„განსხვავებული შეხედულებების ქონა ძალიან ნორმალური პროცესია. ვფიქრობ, ევროკავშირისთვის ძალიან ძლიერი სიგნალის გაგზავნა იქნება, რომ გაერთიანდეს განსხვავებული შეხედულებები. კარგი მუშაობა მიმდინარეობს იმაზე, თუ როგორ უნდა უპასუხოს [საქართველომ] 12 რეკომენდაციას. ახლა ამოცანაა [შეხედულებების] ინტეგრირებულ დოკუმენტში გაერთიანება, რომელიც ასახავს შეხედულებების მრავალფეროვნებას აქ, საქართველოში. მოგეხსენებათ, ევროკავშირს სურს დაინახოს, რომ ბევრი ხმა გაერთიანდა ერთ ძლიერ პასუხად 12 რეკომენდაციაზე. იმედი მაქვს, საქართველო მზად იქნება, ეს აჩვენოს“, – აცხადებს ელჩი.