გერმანიის საგარეო საქმეთა მინისტრ ანალენა ბერბოკის განცხადებით, გერმანია მზად არის, დაეხმაროს უკრაინას გათავისუფლებული ტერიტორიების ზამთრისთვის მომზადებაში. ამის შესახებ გერმანიის საგარეო საქმეთა მინისტრმა კიევში, უკრაინელ კოლეგასთან ერთად გამართულ პრესკონფერენციაზე განაცხადა.
„მომდევნო თვეები გადამწყვეტია არა მხოლოდ სამხედრო ოპერაციების კუთხით, მომდევნო თვეები გადამწყვეტ როლს ითამაშებს, რათა გათავისუფლებული ტერიტორიები გარკვეულწილად მომზადდეს ზამთრისთვის.
შევხედოთ ერთად, რა გჭირდებათ, რომელი საავადმყოფოები დაინგრა, სკოლები, სადაც არ არის სახურავები და გერმანული მხრიდან ძალიან პრაგმატულად დავაბრუნებთ სიცოცხლეს გათავისუფლებულ სოფლებსა და ქალაქებში“, – განაცხადა ბერბოკმა.
კომენტარები