რუსი ჟურნალისტი, სამოქალაქო აქტივისტი ქსენია სობჩაკი თბილისში ჩამოვიდა. როგორც თავად ამბობს, საქართველოში კერძო ვიზიტით იმყოფებოდა.
„მიყვარს თბილისი. აქ საკმაოდ ხშირად მოვდივარ. აქ არის მამაჩემის ძეგლი. რაც შეეხება იმას, რომ რუსეთის მოქალაქეებს უარს ეუბნებიან საქართველოში შემოსვლაზე, ვიცი, რომ ზოგიერთი ჩემი კოლეგა აქ არ შემოუშვეს, მათ შორის (ტელეკომოანია „დოჟდის“ ჟურნალისტი) მიხაილ ფიშმანი. არ ვიცი, რატომ უთხრეს მას უარი. საქართველო სუვერენული ქვეყანაა. ასეთი გადაწყვეტილების მიღება ნებისმიერი ქვეყნის უფლებაა. საზღვარზე არანაირი პრობლემა არ მქონია“, – განაცხადა სობჩაკმა „ფორმულასთან“.
კომენტარები