ნატო და ცალკეული მოკავშირეები უკრაინას სამხედრო დახმარებას გაუწევენ მანამ, სანამ ეს საჭირო იქნება, – აცხადებს ჩრდილოატლანტიკური ალიანსის სამხედრო კომიტეტის თავმჯდომარე, ადმირალი რობ ბაუერი.
მან მედიასთან ტალინში გამართულ პრესკონფერენციაზე, მოკავშირეთა თავდაცვის მეთაურებისა და შტაბების უფროსების შეხვედრის შემდეგ ისაუბრა.
„სხვა საკითხებთან ერთად, თავდაცვის მეთაურებმა განიხილეს, თუ როგორ გააგრძელებენ და გაზრდიან უკრაინის მხარდაჭერას. საბრძოლო მასალა, აღჭურვილობა და წვრთნა, რომელსაც მოკავშირეები [უკრაინას] აწვდიან, რეალურ სხვაობას ქმნის ბრძოლის ველზე. ნატო დაუჭერს მხარს უკრაინას რამდენი ხანიც საჭირო იქნება. ზამთარი მოდის, მაგრამ ჩვენი მხარდაჭერა ურყევი დარჩება“, – განაცხადა ადმირალმა.
კომენტარები