გაერთიანებული სამეფოს დედოფლის, ელისაბედ მეორის დაკრძალვის ცერემონიის საჯარო ნაწილი დასრულდა. ცხედარი უინძორისსასახლის წმინდა გიორგის ეკლესიაში, აკლდამაში ჩაასვენეს. მოგვიანებით დაკრძალვის ცერემონია ვიწრო წრეში, ოჯახის წევრების თანხლებით გაგრძელდება.
დედოფალს მეუღლის, პრინც ფილიპის გვერდით დაკრძალავენ.
მანამდე, გაერთიანებული სამეფოს დედოფალი, ელისაბედ მეორე ვესტმინსტერის სააბატოდანუინძორის სასახლეში გადაასვენეს.
წმინდა გიორგის ეკლესიაში ჩატარებულ მსახურებას 800-მდე ადამიანი ესწრებოდა. ცერემონიის დასრულებისას, გამოცხადდა დედოფლის ყველა ტიტული და დაუკრეს გამოსამშვიდობებელი მელოდია. არქიეპისკოპოსმა დალოცა მეფე ჩარლზი მესამე და გაჟღერდა ეროვნული ჰიმნი.
გლოვა გაერთიანებულ სამეფოში 26 სექტემბრამდე გაგრძელდება.
კომენტარები