იზიუმთან კიდევ ათობით დამარხული ცხედარი ამოასვენეს. უკრაინის შინაგან საქმეთა მინისტრის მოადგილის, ევგენი იენინის განცხადებით, ბევრ მათგანს მათგანს აღენიშნება ძალადობის შედეგად სიკვდილის ნიშნები, როგორებიცაა დამტვრეული ნეკნები, თავის ქალები და ა.შ.
იენინის განცხადებით, უკვე ნაპოვნია 168 ცხედარი (გასული დღის განმავლობაში დაახლოებით 50). მათ შორის არიან უკრაინელი სამხედროებიც.
„მასობრივი დაკრძალვის ადგილზე ექსჰუმაციის პროცედურები გრძელდება. 52 ცხედარი ამოსვენებულია. არის ბავშვების ცხედრებიც. ვაგრძელებთ ძალადობრივი სიკვდილის ნიშნების მქონე ცხედრების პოვნას და ისინი საკმაოდ ბევრია. ეს არის დამტვრეული ნეკნები, გატეხილი თავის ქალა, ხელებშეკრული მამაკაცები, მოტეხილი ყბები, ზოგს სასქესო ორგანოები აქვს მოჭრილი“, – აღნიშნა იენინმა.
კომენტარები