უკრაინის პრეზიდენტის, ოფისი უკრაინის ოკუპირებულ ნაწილებში ე.წ. რეფერენდუმის ჩანიშვნას გამოეხმაურა. პრეზიდენტის ოფისის ხელმძღვანელის ანდრეი ერმაკის თქმით, რეფერენდუმის გეგმები რუსეთის მარცხისა და შიშის ნიშანია.
“გულუბრყვილო შანტაჟი, მუქარითა და საშინელებათა ისტორიებით “რეფერენდუმზე” და “მობილიზაციაზე” მათგან, ვინც ბრძოლა მხოლოდ ბავშვებთან და მშვიდობიან მოქალაქეებთან იცის. ასე გამოიყურება დამარცხების შიში, მტერს ეშინია პრიმიტიული მანიპულირების. უკრაინა გადაწყვეტს რუსეთის საკითხს. საფრთხე შეიძლება აღმოიფხვრას მხოლოდ ძალით”, – დაწერა ერმაკმა ტელეგრამზე.
ცნობისთვის, თვითგამოცხადებულმა სახალხო რესპუბლიკებმა დონეცკმა და ლუგანსკმა ტერიტორიაზე რუსეთთან შეერთების საკითხზე ე.წ. რეფერენდუმის ჩატარება კვირის ბოლოს დაანონსა.
ოკუპანტები რეფერენდუმის ჩატარებას გეგმავენ ხერსონშიც.