რუსეთის პრეზიდენტი, ვლადიმერ პუტინი მნიშვნელოვან პოლიტიკურ რისკზე მიდის, რადგან გამოცხადებული ნაწილობრივი მობილიზაცია უკიდურესად არაპოპულარული იქნება რუსეთის მოქალაქეებში.
ამის შესახებ ბრიტანეთის თავდაცვის სამინისტრო დაზვერვის მონაცემებზე დაყრდნობით იტყობინება.
ბრიტანეთის დაზვერვაში აღნიშნავენ, რომ რუსეთს, სავარაუდოდ, მოუწევს ლოგისტიკური და ადმინისტრაციული პრობლემების გადაჭრა 300 000 ადამიანის შესაგროვებლად.
”სავარაუდოდ, ის შეეცდება, შექმნას ახალი ფორმირებები ამ სამხედრო პერსონალის გამოყენებით, რომლებიც ნაკლებად სავარაუდოა, რომ ბრძოლისუნარიანები იქნებიან თვეების განმავლობაში”, – აცხადებენ დაზვერვაში.
დაზვერვაში მიაჩნიათ, რომ მობილიზაცია უკიდურესად არაპოპულარული იქნება რუსეთის მოსახლეობაში.
“ეს შეზღუდული მობილიზაციაც კი, სავარაუდოდ, ძალიან არაპოპულარული იქნება რუსეთის მოსახლეობის ნაწილისთვის. პუტინი მნიშვნელოვან პოლიტიკურ რისკზე მიდის იმ იმედით, რომ ჩამოაყალიბებს ძალზე საჭირო საბრძოლო ძალას”, – ნათქვამია მოხსენებაში.
ასევე, აღნიშნულია, რომ ეს ნაბიჯი რეალურად არის იმის აღიარება, რომ რუსეთმა ამოწურა მოხალისეების მარაგი, რომლებიც მზად არიან უკრაინაში საბრძოლველად.