ინდონეზიაში, ქვეყნის ორ უდიდეს საფეხბურთო გუნდს შორის გამართულ მატჩს ათობით ადამიანის დაღუპვა მოჰყვა – სტადიონზე დაწყებულ ქაოსსა და ძალადობას, სულ მცირე, 129 ადამიანი ემსხვერპლა, 180 კი დაშავებულია, – ამის შესახებ CNN-ი წერს.
აღმოსავლეთ იავას ქალაქ მალანგში, Arema FC-ისა და მეტოქე Persebaya Surabaya-ს მხარდამჭერები ერთმანეთს მას შემდეგ დაუპირისპირდნენ, რაც Arema FC ანგარიშით 3:2 დამარცხდა.
დამარცხებული გუნდის მხარდამჭერები, საფინალო სასტვენის შემდეგ, მოედანზე შეიჭრნენ, რის შემდეგაც პოლიციამ ცრემლსადენი გაზი გამოიყენა. გაზის გაშვებას მოედანზე ჭყლეტა მოჰყვა.
კომენტარები