ლივერპულში, შვილიშვილის სკოლიდან გამოსაყვანად წასული ქალი ხუთმა ბულდოგმა დაგლიჯა – ინფორმაციას ამის შესახებ ბრიტანული “Mirror” ავრცელებს.
გამოცემის ცნობით, ოჯახს სკოლიდან დაუკავშირდნენ და აცნობეს, რომ არასრულწლოვანს წასაყვანად არავინ მიაკითხა, რის შემდეგაც 65 წლის ქალი ლივერპულის ერთ-ერთ უბანში, საკუთარ სახლთან ახლოს გარდაცვლილი იპოვეს.
მეზობლების ცნობით, მათ შუადღის 4 საათისთვის ქალის ყვირილის ხმა გაიგეს.
მერსისაიდის პოლიციის ცნობით, 5 ამერიკული ჯიშის ბულდოგი სამართალდამცავებმა შესაბამისი ჰუმანური მეთოდით დააძინეს.
პოლიციამ ძაღლების პატრონი, 31 წლის მამაკაცი, გაუფრთხილებლობის გამო დააკავა. მას დეტექტივები დაკითხავენ.
კომენტარები