მოლდოვის საგარეო საქმეთა სამინისტროში რუსეთის ელჩი დაიბარეს. სამინისტროში აცხადებენ, რომ უკრაინის მიმართულებით გასროლილმა სამმა რაკეტამ მოლდოვის საჰაერო სივრცე დაარღვია.
აღნიშნულის შესახებ მოლდოვის ვიცე-პრემიერმა და საგარეო საქმეთა მინისტრმა ნიკუ პოპესკუმ „ტვიტერში“ დაწერა.
„დღეს დილით, შავ ზღვაში მდებარე რუსული გემებიდან, უკრაინის მიმართულებით გასროლილმა სამმა ფრთოსანმა რაკეტამ მოლდოვის საჰაერო სივრცე გადაკვეთა. გავეცი დავალება, რომ ახსნა-განმარტების მისაცემად გამოიძახონ რუსეთის ელჩი“, – წერს ნიკუ პოპესკუ.
კომენტარები