რძის პროდუქტების მწარმოებელმა ფრანგულმა კომპანია „დანონმა“ რუსეთის ბაზრიდან წასვლის შესახებ განაცხადა.
კომპანიის განცხადებაში აღნიშნულია, რომ „დანონის“ წარმოება რუსეთში სხვა კომპანიებს გადაეცემა. შესაძლო გარიგების ღირებულებამ შესაძლოა, მილიარდ ევროს მიაღწიოს.
„ეს არის საუკეთესო ვარიანტი ჩვენი თანამშრომლებისთვის, მომხმარებლებისა და პარტნიორებისთვის ადგილობრივი ბიზნესის გრძელვადიანი უწყვეტობის უზრუნველსაყოფად“, – აღნიშნულია კომპანიის განცხადებაში.
„დანონი“ რუსეთში აწარმოებს ისეთი ბრენდების პროდუქციას როგორიცაა „პროსტოკვაშინო“, „რასტიშკა“, „აქტივია“ და სხვა.
კომენტარები