რუსეთს დონეცკისა და ლუგანსკის რეგიონები აღარ სჭირდება, ის მზადაა ეს ტერიტორიები უკრაინული მიწის „პატარა ნაწილის“ სანაცვლოდ დათმოს – ამის შესახებ პრეზიდენტის აპარატის უფროსის მრჩეველმა, მიხაილო პოდოლიაკმა უკრაინულ მედიასთან ინტერვიუში ისაუბრა.
მიხაილო პოდოლიაკის თქმით, რუსეთს სურს ზაპოროჟიეს ქალაქ ენერგოდარის დაპყრობა, სადაც ატომური ელექტროსადგური მდებარეობს.
“მათ სურთ წაიღონ მხოლოდ პატარა ნაჭერი, სახელწოდებით ზაპოროჟიეს რეგიონის ნაწილი, სადაც მდებარეობს ქალაქი ენერგოდარი, რათა წაგვართვან ზაპოროჟიეს ატომური ელექტროსადგური. ეს მათი ერთადერთი სურვილია დღეს”, – თვლის პოდოლიაკი.
ის ასევე დარწმუნებულია, რომ რუს ოკუპანტებს დონეცკის ოლქის დაკავება მხოლოდ გარკვეული დროით შეუძლიათ, რადგან იქ მობილიზებული პატიმრები იბრძვიან. მათ უკან კი ბლოკირების რაზმები დგას.