ჯგუფმა Queen ახალი სიმღერა Face it Alone გამოუშვა, რომელშიც ვოკალურ პარტიას ფრედი მერკური ასრულებს. ამის შესახებ euronews-ი იტყობინება.
გამოცემის ინფორმაციით, ჩანაწერი 1988 წელს არის გაკეთებული, როდესაც ჯგუფი ალბომზე The Miracle მუშაობდა, თუმცა ჯგუფს ამ კომპოზიციის შესახებ არ ახსოვდა. ჩანაწერი ცოტა ხნის წინ აღმოაჩინეს. გიტარისტ ბრაიან მეის არ ეგონა, რომ ჩანაწერი ახალი კომპოზიციის გამოსაშვებად საკმარისი იყო.
„ბევრჯერ გადავხედეთ და ვფიქრობდით: „არა, ამას ვერ გადავარჩენთ. მაგრამ ჩვენ ინჟინრების საოცარმა გუნდმა გვითხრა: „შეგვიძლია ასე და ასე გავაკეთოთ“. ეს ნაწილების შეერთებას ჰგავს, მაგრამ ლამაზი დ გულისამაჩუყებელია“, – ამბობს მეი.
მერკურის გარდაცვალების შემდეგ Queen-ს ახალი მუსიკის გამოშვება არ შეუწყვეტია, თუმცა Face it Alone ბოლო 8 წლის განმავლობაში პირველი კომპოზიციაა, რომელშიც ლეგენდარული მომღერლის ხმა ისმის.