სანქტ-პეტერბურგში მასობრივი საქორწინო ცერემონია გაიმართა. მობილიზაციის გამო, კურორტნის რაიონის რეესტრმა ერთდროულად 43 წყვილი დააქორწინა.
ცერემონია სამთავრობო მედიით გააშუქეს.
როგორც სიუჟეტიდან ირკვევა, მობილიზაციის ბრძანება ახლახან დაემატა ქორწინების დაჩქარებული რეგისტრაციის საფუძვლიან მიზეზთა სიას – როგორც წესი, რუსეთში ქორწინება განცხადების შეტანიდან მინიმუმ ერთი თვის შემდეგაა შესაძლებელი. განახლებული წესებით, კი მობილიზებულებს დაქორწინება განაცხადის შეტანის დღესვე შეუძლიათ.
მასობრივ ქორწილს საკანონმდებლო ასამბლეის დეპუტატები ანასტასია მელნიკოვა და ვერა სერგეევაც დაესწრნენ -“მადლობთ, რომ არ გაიქეცით, არ გეშინიათ და აქ ხართ” – ასე მიულოცეს წყვილებს მათ.
შეგახსენებთ, რომ რუსეთის პრეზიდენტმა ნაწილობრივი მობილიზაცია 21 სექტემბერს გამოაცხადა. ამის შემდეგ რუსეთიდან გაქცევას ათასობით ადამიანი ცდილობს.