სალომე ზურაბიშვილი სტამბოლში მომხდარ აფეთქებას გამოეხმაურა. შესაბამისი გზავნილი პრეზიდენტის Twitter-ზე გამოქეყნდა.
„შეძრწუნებული ვარ სტამბოლში მომხდარი აფეთქების გამო. ვუსამძიმრებ დაღუპულთა ოჯახებს და თანავუგრძნობ პრეზიდენტ ერდოღანსა და თურქ ხალხს“, – წერს პრეზიდენტი.
აფეთქება სტამბოლის ცენტრში ადგილობრივი დროით 16:20 საათზე მოხდა. ვრცელდება ინფორმაცია 6 დაღუპულის და 53 დაშავებულის შესახებ. სტამბოლში საქართველოს გენერალურ საკონსულოში აფეთქების შედეგად დაშავებული ან გარდაცვლილი საქართველოს მოქალაქეების შესახებ ოფიციალური შეტყობინება არ შესულა.
კომენტარები