ჰერმან საბომ ევროკომსისარ ოლივერ ვარჰეის მიერ თბილისში გაჟღერებული გზავნილები შეაფასა. ამ თემაზე „გირჩის“ წევრმა „ქრონიკაში“ ისაუბრა.
„ნამდვილად საინტერესო შეხვედრა გვქონდა ევროკომისართან, რომელიც, ჩათვალეთ, რომ მინისტრია გაფართოების საკითხებში. მესიჯები, რაც მან ჩამოგვიტანა იგივეა, რაც ამდენი ხანი გვესმოდა ჩვენი ევროპელი მეგობრებისგან, რომ მხოლოდ ერთად მუშაობა, მხოლოდ დეპოლარიზაცია, მხოლოდ კონსენსუსი ჩაგვეთვლება საქმის გაკეთებად. სულ რომ ოქროს კოშკები ააშენოს ცალკე ხელისუფლებამ, ცალკე ოპოზიციამ და იდეალური გეგმები დადოს, ამ გეგმებს არ ექნება ფასი, თუ არ იქნება კონსენსუსი“, – განაცხადა საბომ.
მისი თქმით, როდესაც ასეთი მაღალი თანამდებობის პირი მარტო საქართველოში ჩადის და არა სხვა ქვეყნებშიც, ეს იმას ნიშნავს, რომ „ჩვენს ევროპელ მეგობრებს ჩვენზე ხელი არ ჩაუქნევიათ“. ამასთან, საბო აცხადებს, რომ თანამშრომლობის არასაკმარისი ტემპები შესაძლოა ევროპელი პარტნიორებისთვის საქართველოს მიმართ იმედგაცრუების საბაბი გახდეს.
ევროკომისარი ოლივერ ვარჰეი საქართველოში ორდღიანი ოფიცილაური ვიზიტით იმყოფება. ევროკომისარი უკვე შეხვდა პრემირ-მინიტრს, ირაკლი ღარიბაშვილს და საქართველოს პრეზიდენტს, სალომე ზურაბიშვილს და პარლამენტის თავმჯდომარე შალვა პაპუაშვილს.