უკრაინის პრეზიდენტმა, ვოლოდიმირ ზელენსკიმ პოლონეთში რუსული რაკეტების ჩამოვარდნას ძალიან მნიშვნელოვანი ესკალაცია უწოდა.
„დღეს მოხდა ის, რაზეც დიდი ხანია ვაფრთხილებდით. ტერორი მხოლოდ ჩვენი სახელმწიფო საზღვრებით არ შემოიფარგლება, რუსული რაკეტები პოლონეთს მოხვდა.
რამდენჯერ უთქვამს უკრაინას, რომ ტერორისტული სახელმწიფო მხოლოდ ჩვენი ქვეყნით არ შემოიფარგლება? რაკეტების გასროლა ნატოს ტერიტორიაზე. ეს რუსული სარაკეტო თავდასხმაა კოლექტიურ უსაფრთხოებაზე!
ეს არის ძალიან მნიშვნელოვანი ესკალაცია. ჩვენ უნდა ვიმოქმედოთ“, – აღნიშნა უკრაინის პრეზიდენტმა.
მანამდე სააგენტო Associated Press-მა ინფორმაცია გაავრცელა, რომ პოლონეთის ტერიტორიაზე, უკრაინის საზღვართან რუსული რაკეტა ჩამოვარდა, რომლის აფეთქებასაც ორი ადამიანი ემსხვერპლა.
აშშ-ის თავდაცვის დეპარტამენტში განაცხადეს, რომ რუსული რაკეტების პოლონეთის ტერიტორიაზე ჩამოვარდნის შესახებ ინფორმაციას ვერ ადასტურებენ.