„ნაცმოძრაობის“ წევრი, დეპუტატი ანა წითლიძე აცხადებს, რომ მას საერთოდ არ აინტერესებს ვის ხვდება დავით კეზერაშვილი. ასე უპასუხა მან კითხვას დავით კეზერაშვილისა და ბიზნესმენ ვანო ნაკაიძის შეხვედრის შესახებ.
„საერთოდ არ მაინტერესებს, ვის ხვდება კეზერაშვილი, და არც დამაინტერესებს. საერთოდ არ ვიცი, ვინ არის ვანო ნაკაიძე. ეს ადამიანი დამაინტერესებს მაშინ, თუ გააცხადებს, რომ საჯარო პოლიტიკაში ყოფნა სურს“, – აცხადებს წითლიძე.
გერმანელმა ჟურნალისტებმა სააგენტო„კვირას” მიაწოდეს ფოტო, რომელზეც დავით კეზერაშვილთან ერთად ბიზნესმენი ვანო ნაკაიძე ჩანს. „კვირას“ ინფორმაციით, ვანო ნაკაიძეს ეკუთვნოდა სატვირთო გემი, რომელიც 28 ივნისს ბათუმის ნავსადგურში შემოვიდა და რომელზეც ელენე ხოშტარია ამტკიცებდა, რომ მას სანქცირებული რუსული ტვირთი გადაჰქონდა.
კომენტარები