როგორც ვხედავთ, არის კონკურენცია, არის შეჯიბრება – ეს პარტიული ცხოვრების წესია, – ამის შესახებ „ნაციონალური მოძრაობის“ წევრმა რომან გოცირიძემ პარტიაში მიმდინარე პროცესებზე საუბრისას განაცხადა.
კითხვაზე, პარტიის თავმჯდომარის პოსტზე ვის დაუჭერს მხარს, მელიას თუ ხაბეიშვილს გოცირიძემ განაცხადა: „ჩემი პასუხი იქნება მიმართული იქითკენ, რომ პარტია ამ პროცესიდან დაუზიანებლად გამოვიდეს და პირიქით, გაძლიერდეს“.
მისივე თქმით, გაიმარჯვებს ის კანდიდატი, რომელსაც უმრავლესობის მხარდაჭერა ექნება.
„იმედი უნდა ვიქონიოთ, რომ ის გაიმარჯვებს, ვისაც მე მივცემ ხმას“, – განაცხადა გოცირიძემ.
ვინ გახდება „ნაციონალური მოძრაობის“ თავმჯდომარე. პარტიაში კლანებს შორის დაპირისპირება გრძელდება. პარტიის წევრებს არჩევანის გაკეთება ლევან ხაბეიშვილს, ნიკა მელიასა და გიორგი მუმლაძეს შორის დაახლოებით, სამ კვირაში მოუწევთ.