პოლონეთის პრეზიდენტმა ანჟეი დუდამ კომენტარი გააკეთა უკრაინის საზღვართან რაკეტის აფეთქებაზე, რომელსაც პოლონეთის ორი მოქალაქე ემსხვერპლა.
„ვფიქრობ, რომ პრეზიდენტი ზელენსკი ახლა ასევე აგროვებს ინფორმაციასა და მასალებს უკრაინის არმიის მეთაურებისგან და უკრაინის სპეცსამსახურებისაგან. ისინი ამ ყველაფერს საკუთარი ძალებით აკეთებენ. შეერთებულ შტატებს აქვს საკუთარი ინფორმაცია. სხვა რა შემიძლია ვთქვა ?
სიტუაცია ძალიან რთულია და არავისთვის არ არის გასაკვირი ემოციების გამოვლენა. პრეზიდენტსაც აქვს ემოციები. ის გადის ყველაფერს, რასაც მისი ქვეყანა იტანს. ეს არის მისი ერი, რომელმაც აირჩია იგი ამ პოსტზე, რისთვისაც ის პასუხისმგებლობას გრძნობს“, – განაცხადა დუდამ ზელენსკიზე.
შეგახსენებთ, რომ უკრაინის ხელისუფლება ამტკიცებს, რომ რაკეტა, რომელიც პოლონეთში ჩამოვარდა, უკრაინის საჰაერო თავდაცვას არ შეეძლო გაესროლა. ნატო, ვარშავა და ვაშინგტონი აცხადებენ, რომ რაკეტა, სავარაუდოდ, უკრაინიდან გაისროლეს თავდაცვის მიზნით.
დღეს ცნობილი გახდა, რომ პოლონეთმა უკრაინელი ექსპერტები რაკეტის ჩამოვარდნის ადგილზე დაუშვა.