არაღიარებულმა კოსოვომ სერბული საავტომობილო სანომრე ნიშნების გამოყენების გამო ჯარიმების შემოღება 48 საათით გადადო, მას შემდეგ რაც ამის შესახებ მათ აშშ-ის ხელისუფლებამ სთხოვა.
ნოემბრის დასაწყისში ასობით პოლიციელმა, მოსამართლემ, პროკურორმა და სხვა სახელმწიფო მოხელემ პროტესტის ნიშნად თანამდებობები დატოვეს, მას შემდეგ რაც არაღიარებული კოსოვოს ხელისუფლებამ განაცხადა, რომ ადგილობრივმა სერბებმა სერბული მუნიციპალური ხელისუფლების მიერ გაცემული სანომრე ნიშნები „კოსოვოს სახელმწიფო სანომრე ნიშნებით“ უნდა ჩაანაცვლონ.
21 ნოემბერს პრიშტინამ და ბელგრადმა ევროკავშირის შუამავლობით გამართულ საგანგებო მოლაპარაკებებზე შეთანხმებას ვერ მიაღწიეს. სანომრე ნიშნების ირგვლივ აგორებული დავა სერბეთსა და კოსოვოს შორის დაძაბულობის მიზეზი გახდა. კოსოვოში მცხოვრები 50000-მდე ეთნიკური სერბი თავს დღემდე სერბეთის ნაწილად მიიჩნევს და კოსოვოს მიერ 2008 წელს გამოცხადებულ დამოუკიდებლობას არ აღიარებს.