ნენეცის ავტონომიურ ოლქში, სოფელ კარატაიკთან თვითმფრინავი An-2 ჩამოვარდა.
წინასწარი ინფორმაციით, ბორტზე სულ 12 ადამიანი იმყოფებოდა, მათგან ეკიპაჟის 2 წევრი და 10 მგზავრი.
თუმცა, როგორც რუსეთის საგანგებო სიტუაციების სამინისტროს ტელეგრამის არხზეა ნათქვამი, არსებული ინფორმაციით, ორი ადამიანი დაღუპულია.
An-2 ნარიან-მარ – კარატაიკა – ვარანდეი – ნარიან-მარის მარშუტით გაფრინდა.
როგორც “ინტერფაქსს” საგანგებო სიტუაციების სამსახურში წყარომ უთხრა, „ავარია თვითმფრინავის გაყინვის გამო მოხდა“.
დაღუპულთა შორის, სავარაუდოდ ერთი ეკიპაჟის წევრი და ერთი მგზავრია.
სხვა დეტალები ჯერჯერობით უცნობია.
კომენტარები