შეერთებული შტატების პრეზიდენტის სახლში 13-საათიანი ჩხრეკის შემდეგ კიდევ ექვსი საიდუმლო დოკუმენტი აღმოაჩინეს. ამის შესახებ ცნობა მედიას ჯო ბაიდენის ადვოკატმა მიაწოდა. ზოგიერთი დოკუმენტი იმ პერიოდს მიეკუთვნება, როდესაც ბაიდენი სენატორი იყო, ხოლო სხვები მისი ვიცე-პრეზიდენტობის დროინდელია.
ადვოკატის ცნობით, ჩხრეკის შედეგად ამოღებულია პრეზიდენტის ხელნაწერი შენიშვნები და თანმდევი მასალა. ჩხრეკის დროს ბაიდენი და მისი მეუღლე სახლში არ იმყოფებოდნენ. ბაიდენმა თავად გასცა ნებართვა, რომ გამომძიებლებს დელავერში მდებარე მისი სახლი გაეჩხრიკათ.
ბაიდენის სახლში გრიფით საიდუმლო დოკუმენტები პირველად არ აღმოუჩენიათ. მანამდე ანალოგიური დოკუმენტები იპოვეს მის ყოფილ ოფისში და ასევე სახლის ავტოფარეხში.
კომენტარები