„დიდი შვიდეულის“ (G7) ქვეყნებმა ხაზი გაუსვეს კორუფციასთან ბრძოლის მნიშვნელობას უკრაინისთვის საგარეო დახმარების გაზრდის კონტექსტში. ამის შესახებ საუბარი იყო დიპლომატებისა და უკრაინის „კორუფციასთან ბრძოლის ეროვნული სააგენტოს“ ხელმძღვანელის, ალექსანდრ ნოვიკოვის შეხვედრაზე.
„G7-ის ქვეყნების ელჩები შეხვდნენ ალექსანდრ ნოვიკოვს, რომელმაც მიაწოდა მათ ინფორმაცია ანტიკორუფციული პოლიტიკისა და კანონმდებლობის შესახებ. ჩვენ ხაზი გავუსვით კორუფციასთან ბრძოლის კრიტიკულ მნიშვნელობას უკრაინისთვის საგარეო დახმარების გაზრდის კონტექსტში და ქვეყნის აღდგენისა და აღმშენებლობის დროს“, – აღნიშნულია ინფორმაციაში, რომელსაც Twitter-ზე G7-ის ქვეყნების ელჩების ჯგუფის თავმჯდომარე, იაპონური მხარე ავრცელებს.
G7 Ambassadors met the Head of @NAZK_gov Novikov and were briefed on anti-corruption policy and legislation. We emphasized the critical importance of tackling corruption, including in the context of increased foreign aid and during Ukraine’s recovery and reconstruction.
— G7AmbReformUA (@G7AmbReformUA) January 27, 2023