ნაფიც მსაჯულთა სასამართლომ Tesla-ს ინვესტორთა სარჩელთან დაკავშირებით ამერიკელი მილიარდერი, Tesla-სა და SpaceX-ი დამფუძნებელი ილონ მასკი გაამართლა. ამის შესახებ მასკი Twitter-ზე წერს.
Tesla-ს ინვესტორებმა სასამართლოში უჩივლეს მასკს Twitter-ზე მის მიერ გაკეთებული განცხადებების გამო, რომელშიც ის ამბობდა, რომ აპირებს, Tesla კერძო კომპანიად აქციოს და მისი აქციები 420 დოლარად გაყიდოს, თუმცა გარიგება არ შედგა.
მასკის განცხადებების დროს კომპანიის აქციის ღირებულება 15%-ით ნაკლები იყო. მისმა განცხადებამ აქციების ღირებულების 11%-იანი ზრდა, შემდეგ კი გაუფასურება გამოიწვია, რის გამოც მოსარჩელეებს დიდი ზარალი მიადგათ.
აღსანიშნავია ისიც, რომ მანამდე მასკმა ჯარიმის სახით 20 მილიონი დოლარი გადაიხადა და Tesla-ს დირექტორთა საბჭოს თავმჯდომარის თანამდებობა დატოვა.