პრემიერ-მინისტრი ირაკლი ღარიბაშვილი აცხადებს, რომ იმ რთული რეალობის დროს, რაც ახლა მსოფლიოშია, რადიკალური ოპოზიცია ხელისუფლებაში რომ ყოფილიყო, საქართველოს ომის პოლიგონად გადააქცევდა.
„ძალიან რთული რეალობაა მთელს მსოფლიოში. უკრაინის ომი არ სრულდება. 20% უკვე არის ოკუპირებული რუსეთის მიერ და ასიათასობით ადამიანი არის დაღუპული. ერთი ტრილიონი დოლარის ზარალი მიადგა უკრაინას. ამ ფონზე ეს დესტრუქციული ხალხი [ოპოზიცია] რომ ყოფილიყო ხელისუფლებაში, რა თქმა უნდა, ჩვენ არავის ეჭვი არ გვეპარება, რომ ქვეყანაში იქნებოდა მეორე ფრონტიც და ქვეყანას გადააქცევდნენ პოლიგონად. ამის საშუალებას ჩვენ არავის მივცემთ. ქვეყანაში იქნება მშვიდობა, სტაბილურობა და განვითარება“, – განაცხადა ღარიბაშვილმა.
კომენტარები