პროცედურები დავიწყეთ, რომელსაც ძალიან კარგი შედეგი ჰქონდა, მაგრამ ეს პროცედურებიც შეწყვიტა და მათ გაგრძელებაზეც უარი განაცხადა. აი, ეს ყველაზე დიდი განგაშის საფუძველია, რადგან თუ ასე გაგრძელდა, ეს კიდევ უფრო მეტად დაამძიმებს მის ჯანმრთელობის მდგომარეობას, – ამის შესახებ კლინიკა „ვივამედის“ კლინიკურმა დირექტორმა, ზურაბ ჩხაიძემ „ქრონიკას“ პატიმარ მიხეილ სააკაშვილის ჯანმრთელობის მდგომარეობაზე საუბრისას განუცხადა.
მისივე თქმით, კლინიკის სამედიცინო პერსონალის მიზანი სააკაშვილის ჯანმრთელობის მდგომარეობის გაუმჯობესებაა, თუმცა ამ შემთხვევაში მათი მიზნების თანხვედრა არ ხდება.
„მთავარი პრობლემა არის ის, რომ სამკურნალო დანიშნულებაზე ამბობს უარს. დაუშვათ, არ ჭამს-ვერ ჭამს თუ ეს გახდა ამ 11 თვის განმავლობაში განხილვის საგანი, რა უდგას წინ ინფუზიურ თერაპიას, რასაც გადასხმას ვეძახით; რა უდგას წინ, იგივე ცილოვანი დანამატების მიღებას; პარენტერალურ კვებას?! – შეთავაზებაზე უარს აცხადებს. ეს ყველაფერი სამედიცინო ბარათში მკურნალი ექიმის მიერ ფიქსირდება.
გარდა ამ მკურნალობისა პროცედურები დავიწყეთ, რომელსაც ძალიან კარგი შედეგი ჰქონდა, მაგრამ ეს პროცედურებიც შეწყვიტა და მათ გაგრძელებაზეც უარი განაცხადა. აი, ეს ყველაზე დიდი განგაშის საფუძველია, რადგან თუ ასე გაგრძელდა, ეს კიდევ უფრო მეტად დაამძიმებს მის ჯანმრთელობის მდგომარეობას.
ჩვენი, სამედიცინო პერსონალის მიზანია, ამ ადამიანის ჯანმრთელობის მდგომარეობა გაუმჯობესდეს. ამ შემთხვევაში მიზნების თანხვედრას ვერ ვხედავთ და არ არის.
იღებს უფრო მრავალფეროვან საკვებს, უფრო მეტი რაოდენობით – უმჯობესდება მისი მდგომარეობაც, მისი ლაბორატორიული მაჩვენებლების მიხედვით. სხვათა შორის, აწონაზე უარს აცხადებს და ჩვენ პრეტენზია არ გვაქვს და ამას ვეთანხმებით“, – განაცხადა ჩხაიძემ.
მისივე თქმით, როდესაც სააკაშვილს მაჩვენებლები უმჯობესდება, სამწუხაროდ, ის კვებას წყვეტს.