“დეპოლარიზაცია „ქართული ოცნების“ მხრიდან ცალმხრივად ვერ მოხდება, ოპოზიციის ჩართულობა ძალიან მნიშვნელოვანია”

„ქართული ოცნების“ მხრიდან დეპოლარიზაციის პუნქტი ცალმხრივად შეუსრულებადია, ოპოზიციის ჩართულობა ძალიან მნიშვნელოვანია, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.

„ორი საკითხის გარდა რეკომენდაციები ფაქტობრივად შესრულებულია. ერთი არის დეოლიგარქიზაციის საკითხი, რომელზეც საკომიტეტო მოსმენას განვაახლებთ მალე და მაორე გახლავთ საერთო სასამართლოების შესახებ კანონი. ამით ფაქტობრივად სრულდება 12-პუნქტიან გეგმაში არსებული რეკომენდაციები.

რაც შეეხება დეპოლარიზაციას, რა თქმა უნდა „ქართული ოცნების“ მხრიდან ეს ცალმხრივად შეუსრულებადია, რადგან ის ორმხრივად ან მრავალმხრივად სრულდება. ოპოზიციის ჩართულობა დეპოლარიზაციაში ძალიან მნიშვნელოვანია“, – აღნიშნა მათიკაშვილმა.