ყოფილმა პრემიერ-მინისტრმა ბიძინა ივანიშვილმა პირველი საერთაშორისო სამეცნიერო კონფერენცია გახსნა.
„არ ვართ საუბედუროდ მდიდარი საერთაშორისო მეცნიერების დონით. სწორედ იმისათვის, რომ ჩვენ ტრადიციები დავიბრუნოთ, ჩვენი მეცნიერება იყოს უფრო ფართო მასშტაბით წარმოდგენილი მსოფლიოში, სწორედ ამისათვის დღეს საფუძველი ჩაეყარა საქართველოს სამეცნიერო ცენტრის მშენებლობას, რომელიც იმედია დიდ ბიძგს მისცემს ჩვენი მეცნიერების განვითარებას. წარმატებები მინდა ვუსურვო ჩემს ქვეყანას, რომ მოახერხოს უახლოეს წლებში მოხდეს განვითარებული ქვეყნების რიგში. მოგეხსენებათ, მხოლოდ განათლებულ საზოგადოებას, მხოლოდ იმ სახელმწიფოს შეუძლია იყოს პროგრესის ფერხულში, ვისაც აქვს მეცნიერება, ვინც დიდ ყურადღებას უთმობს განათლებას. ჩვენ რთული პერიოდები გვქონდა, უფრო ხშირად ჩვენ აშენებულზე ვამბობდით უარს, განსაკუთრებით ბოლო ათი წლის განმავლობაში. ამ დროს განსაკუთრებით დაზარალდა მეცნიერება. ჩვენ ყველამ ერთად უნდა მოვახერხოთ და გამოვიდეთ მოჯადოებული წრიდან, რომ ჩავდგეთ წარმატებული ქვეყნების რიგში“, – განაცხადა ივანიშვილმა.