პოლონელი ექიმების ვიზიტში ახალი არაფერი იყო, გარდა იმისა, რომ კიდევ ერთხელ დარწმუნდა ნებისმიერი დაინტერესებული ადამიანი იმაში, რომ სააკაშვილს აქვს წვდომა ყველა საჭირო სერვისზე, – ამის შესახებ „ქრონიკის“ ეთერში ფრაქცია „ქართული ოცნების“ თავმჯდომარის მოადგილემ, რატი იონათამიშვილმა განაცხადა.
„რამდენიმე საყურადღებო მინდა გავამახვილო ყურადღება: პოლონელი ექიმები საქართველოში იყვნენ სააკაშვილის ოჯახის მოწვევით, მაშინ როდესაც „ნაცმოძრაობა“ ატყუებდა საზოგადოებას, რომ თითქოს ეს ევროკავშირის მისია იყო. სადაც ხედავენ ასეთ შესაძლებლობას, ყველგან კადრულობენ ტყუილს და მატყუარების პარტიად ჩამოყალიბდნენ. ამ ექიმების დასკვნა კონფიდენციალური – აქედან ჩანს, რომ როგორც სააკაშვილის ოჯახი იყო დარწმუნებული, ეს ექიმები იქ ნახავდნენ ისეთ სიტუაციას, რაც შეესაბამება სტანდარტებს, და ვერაფერს ხელმოსაკიდს დეზინფორმაციული კამპანიის განსაახლებლად ვერ იპოვიდნენ. ფაქტობრივად, ესეც დადასტურდა იმით, რომ ვიზიტი იყო ფარული და საზოგადოებას არ უნდა გაეგო მათი შეფასებების შესახებ. ერთადერთი, რაც გახდა ცნობილი, არის ის, რომ სამედიცინო მანიპულაციები, რაც უტარდება სააკაშვილს, მათ მიერ დადებითად შეფასდა. ერთადერთი სერვისი, რაზეც ასევე იყო საუბარი, კლინიკას შეთავაზებული ჰქონდა სააკაშვილისთვის და მისგან უარი იყო მიიღო. აქაც აღმოჩნდა, რომ ის იღებს იმ სერვისს, რაც მისთვის არის აუცილებელი. ეს ხომ ჩვენმა საზოგადოებამ აქამდეც იცოდა, უბრალოდ ისეთ ხრიკებს იგონებენ, რომ დეზინფორმაციულ კამპანიას საკუთარი საქციელითვე ამჟღავნებენ. ფაქტია, რომ ახალი არაფერი იყო, გარდა იმისა, რომ კიდევ ერთხელ დარწმუნდა ნებისმიერი დაინტერესებული ადამიანი იმაში, რომ სააკაშვილს აქვს წვდომა ყველა საჭირო სერვისზე“, – აცხადებს დეპუტატი.