მივიღე 44 ევროპარლამენტარის მიერ გამოგზავნილი წერილი, წავიკითხე და, სამწუხაროდ, ვერცერთი ბოდიში ვერ ამოვიკითხე, – ამის შესახებ ჟურნალისტებს პარლამენტის თავმჯდომარემ, შალვა პაპუაშვილმა განუცხადა.
„არადა, მე ერთადერთი მოლოდინი მაქვს ამ დეპუტატებისგან, რომ მოვნახავ ბოდიშის სიტყვებს ქართველი ხალხის მიმართ იმის გამო, რომ წელიწადზე მეტია, რაც ეს ევროპარლამენტარები მონაწილეობენ იმ დეზინფორმაციულ კამპანიაში, რომელიც მიმდინარეობს საქართველოს წინააღმდეგ სააკაშვილთან დაკავშირებით, თითქოს მას არ მიეწოდება სათანადო სამედიცინო მომსახურება, თითქოს ის მოწამლეს ან აწამეს“, – აცხადებს პაპუაშვილი.
44 ევროდეპუტატი საქართველოს ხელისუფლებას მოუწოდებს, მხარი დაუჭირონ მიხეილ სააკაშვილის გადაყვანას ევროკავშირის რომელიმე ქვეყანაში, სადაც ის საჭირო სამედიცინო დახმარებას მიიღებს.