აშშ-ს პრეზიდენტმა, ჯო ბაიდენმა ისრაელის პრემიერ-მინისტრი ბენიამინ ნეთანიაჰუ აშშ-ში მიიწვია.
როგორც თეთრი სახლის წარმომადგენლები აღნიშნავენ, ვიზიტი შემოდგომაზე გაიმართება, თუმცა არ აკონკრეტებენ, შეხვედრა ვაშინგტონში გაიმართება თუ ნიუ იორკში, გაერო-ს გენერალური ასამბლეის ფარგლებში.
ეროვნული უსაფრთხოების საკითხებში თეთრი სახლის პრესსპიკერის, ჯონ კირბის განცხადებით, პრეზიდენტი ბაიდენი შეშფოთებულია ბენიამინ ნეთანიაჰუს მცდელობით, გაატაროს სასამართლო რეფორმა, რომლის ფარგლებშიც იზღუდება უზენაესი სასამართლოს უფლებამოსილება და იზრდება პარლამენტის უფლებამოსილება.
ისრაელის მთავრობაში მიწვევის მიღებას ადასტურებენ. შეხვედრისას ლიდერები რეგიონულ უსაფრთხოებაზე იმსჯელებენ.
აღსანიშნავია, რომ ნეთანიაჰუ განაწყენებული იყო ბაიდენის ადმინისტრაციაზე, რადგან პრემიერის თანამდებობაზე დაბრუნების შემდეგ, ვაშინგტონში მიწვევა პირველივე თვეებში არ მიუღია.