უკრაინა შეერთებული შტატებისგან, დამატებით 230 მილიონ დოლარს მიიღებს, თანხა იმ ფერმერების დასახმარებლად გამოიყოფა, რომლებიც ომის დაწყების შემდეგ, მარცვლეულის ექსპორტის ბლოკირებით დაზარალდნენ, – განაცხადა შეერთებული შტატების საერთაშორისო განვითარების სააგენტოს ხელმძღვანელმა, ვოლოდიმირ ზელენსკისთან კიევში გამართულ შეხვედრაზე. მანამდე სამანტა პაუერი ოდესაში იმყოფებოდა.
„შეერთებული შტატების საერთაშორისო განვითარების სააგენტოo ინტენსიურ მუშაობას გააგრძელებს კონგრესთან, რათა უკრაინამ 230 მილიონი დოლარის ოდენობით ინვესტიცია მიიღოს. თანხა მცირე ბიზნესისთვის იქნება განკუთვნილი და მოხმარდება სასოფლო-სამეურნეო ინფრასტრუქტურის განვითარებასა და მარცვლეულის სხვა საექსპორტო მარშრუტების გაფართოებას“, – განაცხადა USAID-ის ხელმძღვანელმა სამანტა პაუერმა.
კომენტარები