სტოკჰოლმში ყურანის დაწვის დაანონსების გამო, ერაყმა ქვეყნიდან შვედეთის ელჩი გააძევა, ხოლო შვედეთიდან საკუთარი რწმუნებული გამოიწვია. ინფორმაციას ამის შესახებ სააგენტო Reuters-ი ავრცელებს.
მანამდე შვედეთში მცხოვრებმა ერაყელი წარმოშობის პირმა, სალვან მომიკამ ყურანის დაწვა დააანონსა. შვედეთის პოლიციამ მას ნება დართო სიტყვის თავისუფლების მოტივით.
შიიტი რელიგიური ლიდერის, მუქთადა ალ-სადრის მხარდამჭერები ღამით ბაღდადში მდებარე შვედეთის საელჩოში შეიჭრნენ და ტერიტორიას ცეცხლი წაუკიდეს. ერაყის მთავრობამ მკაცრად დაგმო შვედეთის საელჩოში შეჭრა.
თუმცა, ოფიციალურმა ბაღდადმა ასევე აცნობა შვედეთის მთავრობას, რომ ნებისმიერი ინციდენტის გამეორება, რომელიც შვედეთის ტერიტორიაზე ყურანის დაწვასთან იქნება დაკავშირებული, დიპლომატიური ურთიერთობების გაწყვეტას მოითხოვს.
კომენტარები