გაეროს გენერალური მდივანი, ანტონიო გუტერეში მკაცრად გმობს რუსეთის თავდასხმებს უკრაინის შავი ზღვის პორტებზე. ინფორმაციას ამის შესახებ ტელეკომპანია CNN-ი ავრცელებს.
გაეროს გენერალური მდივნის სპიკერის, სტეფან დუჟარიკის განცხადებით, თავდასხმები ეწინააღმდეგება რუსეთის მიერ აღებულ ვალდებულებებს, რომ „რუსეთის ფედერაცია ხელს შეუწყობს საკვების, მზესუმზირის ზეთისა და სასუქების შეუფერხებელ ექსპორტს უკრაინის მიერ კონტროლირებადი შავი ზღვის პორტებიდან“.
„თავდასხმებს შესაძლოა გავლენა ჰქონდეს უკრაინის მიღმა, როდესაც საქმე ხორბლისა და სიმინდის გლობალურ ფასებს ეხება“, – აღნიშნა გუტერეშის პრესმდივანმა.
კომენტარები