ჩრდილოეთ კორეამ აღმოსავლეთ სანაპიროზე ორი ბალისტიკური რაკეტა გაუშვა. ინფორმაციას „როიტერი“ ავრცელებს. შემთხვევა მას შემდეგ მოხდა, რაც აშშ-ის ატომური წყალქვეშა ნავი სამხრეთ კორეის საზღვაო ბაზაზე მიცურდა.
შეგახსენებთ, რომ სეულმა და ვაშინგტონმა გააძლიერეს თავდაცვითი თანამშრომლობა ჩრდილოეთ კორეის სარაკეტო ტესტების საპასუხოდ, ერთობლივი სამხედრო წვრთნებით, რომლებიც მოიცავს უახლეს სამხედრო თვითმფრინავებს და აშშ-ს სტრატეგიულ აქტივებს.
მანამდე ჩრდილოეთ კორეამ განაცხადა, რომ აშშ-ის წყალქვეშა ნავის სამხრეთ კორეაში გათავსება შეიძლება აკმაყოფილებდეს მის მიერ ბირთვული იარაღის გამოყენების კრიტერიუმებს.
კომენტარები