საბერძნეთში, კუნძულ როდოსზე ცეცხლის ახალი კერები გაჩნდა, რის გამოც რამდენიმე დასახლებიდან ასობით ადამიანის ევაკუაცია მიმდინარეობს.
მანამდე საბერძნეთის კუნძულზე დაახლოებით 19 000 ადამიანის ევაკუაცია გახდა საჭირო. ბოლო მონაცემებით, სტიქია დასახლებულ პუნქტებს არ ემუქრება.
კუნძულ კორფუსა და ევიაზე კი ძლიერი ქარის გამო, სტიქია უკონტროლოა. ორივე კუნძულზე ცალკეულ დასახლებებში ევაკუაციის განკარგულება გაიცა. საბერძნეთში, სითბური ტალღების შედეგად გაჩენილ ტყის მასშტაბურ ხანძრებს, უკვე კვირაზე მეტია ებრძვიან.
კომენტარები