#მომავლისხმები დასასრულს უახლოვდება. ფესტივალი მესამე – დასკვნით ნაკადს მასპინძლობს. ხონის, ონის, სამტრედიის, თელავის, ბორჯომის და გორის სალოტბარო სკოლებიდან 130 მოსწავლე ანაკლიაში ჩამოვიდა და ოთხი დღის მანძილზე მუსიკალურ, სპორტულ და გასართობ ღონისძიებებში მიიღებს მონაწილეობას.
#მომავლისხმები 17 ივლისს დაიწყო და ფესტივალმა უკვე უმასპინძლა 12 სალოტბარო სკოლას საქართველოს სხვადასხვა რეგიონიდან. წინა ორი ნაკადის მსგავსად, მესამე ნაკადის პირველი დღეც ზუგდიდში კონცერტით დაიწყო. კონცერტი ზუგდიდის სალოტბარო სკოლის მოსწავლეემა გახსნეს.
მონაწილეებმა საგალობლები და მათი კუთხისთვის დამახასიათებელი ფოლკლორული სიმღერები შეასრულეს. მოსწავლეებს სიტყვით მიმართეს ფესტივალის ორგანიზატორმა ანზორ ერქომაიშვილის სახელობის ფოლკლორის სახელმწიფო ცენტრის დირექტორმა გიორგი დონაძემ და ფესტივალის მხარდაჭერმა ზუგდიდის მერმა მამუკა წოწერიამ.
სალოტბარო სკოლების ფესტივალი “მომავლის ხმები” კულტურის სპორტისა და ახალგაზრდობის სამინისტროს მხარდაჭერით მიმდინარეობს და ანაკლიაში 28 ივლისამდე გაგრძელდება