დასავლეთ აფრიკის ქვეყნის, ნიგერის ჯარისკაცებმა ეროვნული ტელევიზიით სახელმწიფო გადატრიალების შესახებ განცხადება გააკეთეს. ამის შესახებ BBC იუწყება.
მათი თქმით, გადაყენებულია პრეზიდენტი მოჰამედ ბაზუმი, გაუქმებულია კონსტიტუცია, შეჩერებულია ყველა სახელმწიფო ინსტიტუტის მუშაობა და ჩაკეტილია ქვეყნის საზღვრები.
გაეროს გენერალურია მდივანი ბაზუმს უკვე ესაუბრა და სრული მხარდაჭერა შესთავაზა. ნიგერის პრეზიდენტს მხარდაჭერას დაჰპირდა ამერიკის შეერთებული შტატებიც.
პრეზიდენტი ბაზუმი, რომელიც 2021 წელს დემოკრატიული გზით აირჩიეს, საფრანგეთისა და სხვა დასავლური ქვეყნების ახლო მოკავშირეა.
კომენტარები