რუსეთის თავდაცვის მინისტრის, სერგეი შოიგუს განცხადებით, უკრაინის შეიარაღებულმა ძალებმა ივლისში თითქმის 21 000 ჯარისკაცი დაკარგეს.
ამის შესახებ მან შეიარაღებული ძალების ხელმძღვანელობასთან კონფერენციაზე თქვა.
„გასული ერთი თვის განმავლობაში, ჩვენი ჯარების წარმატებული მოქმედებების შედეგად, მოწინააღმდეგის დანაკარგებმა 20 800-ზე მეტი სამხედრო შეადგინა, უფრო სწორად, 20 824 ადამიანი და სხვადასხვა იარაღის 2 227 ერთეული“, – განაცხადა შოიგუმ.
მისი თქმით, ზაფხულის მეორე თვეს რუსებმა მოწინააღმდეგის 10 Leopard-ი; 11 ამერიკული Bradley; М777 ტიპის 40 საარტილერიო სისტემა; 50 თვითმავალი საარტილერიო დანადგარი დიდი ბრიტანეთიდან, აშშ-დან, გერმანიიდან, საფრანგეთიდან და პოლონეთიდან.
შოიგუმ ხაზგასმით აღნიშნა, რომ კიევისთვის მიწოდებული დასავლური იარაღი არ იწვევს წარმატებას ბრძოლის ველზე, არამედ მხოლოდ ახანგრძლივებს კონფლიქტს.
კონტრშეტევაზე საუბრისას მან განაცხადა, რომ რუსეთის შეიარაღებულმა ძალებმა მტერს წინსვლის საშუალება არ მისცეს.
„უკრაინის ჯარების ფართომასშტაბიანი მცდელობა, გაერღვიათ ჩვენი თავდაცვა, ჩაიშალა ორეხოვსკის მიმართულებით. კიდევ ერთხელ მინდა, მადლობა გადავუხადო ჩვენს ყველა ბიჭს, რადგან ასეთი თავდასხმა მთელი ამ ხნის განმავლობაში არ გვინახავს,“ – განაცხადა მინისტრმა.
მისი თქმით, ამავდროულად, რუსმა სამხედროებმა მოახერხეს კრასნოლიმანსკის მიმართულებით მდებარე კოვალევკასა და სერგეევკას დასახლებები, ასევე, კუპიანსკის მიმართულებით რკინიგზის სადგური მოლჩანოვკას კონტროლზე აყვანა.