როდესაც წავიკითხე ბრალდება, რომელსაც ტრამპს უყენებენ, მეგონა, რომ ეს იყო ISFED-ის და იმ „ენჯეოების“ თუ ნახევარი ოპოზიციის საწინააღმდეგოდ, რომლებმაც 2020 წლის არჩევნების შემდეგ ზუსტად ის გააკეთეს, რასაც ახლა ტრამპს ამერიკაში ედავებიან, – ამის შესახებ „ხალხის ძალის“ ერთ-ერთმა ლიდერმა, დეპუტატმა გურამ მაჭარაშვილმა განაცხადა.
„იმ ქმედებისთვის, რაც „სამართლიანმა არჩევნებმა“ აქ ჩაიდინა – გააყალბა არჩევნები და შემდეგ აღიარა – შესაბამისად, საელჩოც საქმის კურსში იყო, თვეზე მეტი ხნის განმავლობაში ამაზე არავინ არაფერს ამბობდა. გამოდის, რომ რისთვისაც ტრამპს ბრალს უყენებენ, აქ უნდა დაპატიმრდეს ISFED-ის ხელმძღვანელობა, ხოლო საელჩომ პასუხი უნდა აგოს იმაზე, რომ იცოდა და არაფერი თქვა. ასევე ნახევარი ოპოზიცია, რომელიც ამბობდა, რომ ცესკოს მიერ გამოცხადებული შედეგები არ იყო სწორი. ამ დროს აღმოჩნდა, რომ გაყალბებული იყო პარალელური დათვლის შედეგები, და არა ცესკოს შედეგები“, – აცხადებს მაჭარაშვილი.