რუსეთმა ღამით უკრაინაზე „კამიკაძე“ დრონებით შეტევა განახორციელა. უკრაინის საჰაერო ძალების ცნობით, თავდაცვის ძალებმა საოკუპაციო ძალების მიერ გაშვებული „შაჰიდის“ ტიპის 23 დრონი გაანადგურეს. დრონების უმეტესი ნაწილი უკრაინის ძალებმა კიევისა და ოდესის ოლქებში ჩამოაგდეს.
კიევის სამხედრო საქალაქო ადმინისტრაციის უფროსი სერგეი პოპკოვი აცხადებს, რომ დედაქალაქის მიმართულებით რუსმა სამხედროებმა 10-ზე მეტი უპილოტო საფრენი აპარატი გაუშვეს, ყველა მათგანი განადგურებულია. თუმცა, უპილოტო საფრენი აპარატების ნაწილმა დარტყმები მიიტანა ოდესის ოლქის საპორტო ინფრასტრუქტურაზე.
უკრაინის საჰაერო ძალების ცნობით, რუსეთი დრონებით შეტევას სამი მიმართულებიდან ახორციელებდა, მათ შორის ოკუპირებული ყირიმიდან.
კომენტარები