უკრაინის შეიარაღებული ძალების მიერ რუსეთის ტერიტორიის, მათ შორის, მოსკოვის გახშირებული იერიშის გამო, თურქმენეთის ხელისუფლება საკუთარი მოქალაქეების საგანგებო ევაკუაციისთვის ემზადება.
ამის შესახებ “თურქმენეთის ქრონიკები” იტყობინება.
გამოცემის ცნობით, 29 ივლისს თურქმენეთის ეროვნული უშიშროების სამინისტროს 10 ოფიცერი და შინაგან საქმეთა სამინისტროს 15 თანამშრომელი, საზღვაო გზით, ასტრახანში ჩავიდა, რომ დაერწმუნებინათ თავიანთი მოქალაქეები, დროებით დაბრუნებულიყვნენ სამშობლოში ან დროებით, უსაფრთხო რეგიონებში გადავიდნენ.
სამშობლოში დაბრუნების მსურველებს ასტრახანში მანქანებით გადაიყვანენ.
ქვეყნის თავდაცვის სამინისტრომ ორი გემის მომზადების განკარგულება გასცა, რომლითაც თურქმენეთის მოქალაქეები ასტრახანიდან თურქმენბაშში გადაიყვანენ. თურქმენბაშიდან კი მათ მუდმივ საცხოვრებელ ადგილზე თვითმფრინავით ან მატარებლით უფასოდ მიიყვანენ.
ასტრახანში ჩასული, ძალოვანთა ნაწილი მოგვიანებით მოსკოვში თურქმენეთის საელჩოში ჩავიდა.
გუშინ გახდა ცნობილი, რომ “თურქმენეთის ავიახაზებმა” მოსკოვის მიმართულებით ფრენები შეაჩერა.