გრძელდება ძებნის სამუშაოები. დღეს კიდევ ერთი ცხედარი იქნა ნაპოვნი მაშველების მიერ. დანარჩენი იგივე ვითარებაა, სურათი არის მძიმე. ყველა უწყება ჩართულია ამ სამუშაოებში. ინფრასტრუქტურის სამინისტრო მუშაობს აქტიურად. 80 ერთეული მძიმე ტექნიკა არის მობილიზებული და ძალიან ინტენსიური სამუშაოები ტარდება. ასევე მობილიზებული არიან მაშველები, სამხედროები. ეს არის ის სურათი რაც არსებითად გვაქვს დღეს, – ამის შესახებ საპარლამენტო უმრავლესობის ლიდერმა ირაკლი კობახიძემ ისაუბრა.
„რაც შეეხება შეფასებებს, ანალიზებს და ა.შ. აჯობებს, რომ ამაზე ისაუბრონ სპეციალისტებმა. ჩვენ გვაქვს ჩვენი ინფორმაცია, სხვადასხვა ინფორმაცია ყველაფერთან დაკავშირებით, თუმცა ჯობს, რომ სპეციალისტებმა, ექსპერტებმა, კომპეტენტურმა ადამიანებმა ისაუბრონ ჩვენ ნაცვლად ამ ყველაფერზე“, – განაცხადა კობახიძემ.